真係咁劣评?Metal Build F91值唔值

2020-07-26 19:31:28编辑:
真係咁劣评?Metal Build F91值唔值

因为用咗好多金属部件而且造功好,Bandai嘅Metal Build系列高达大部份都係出咗冇耐就被炒到贵一贵。不过今次作为主角机嘅F91一反常态,保持住喺订价水平,少数舖卖价更加轻微回落,事关唔少提早预订嘅朋友即日开箱都表示失望。佢係咪真係如传说中咁差先?笔者今次抱住必死嘅决心,自己出钱买只返嚟,同大家check吓佢係咪真係咁劣评。

老实讲,畀钱嗰下笔者都有少少肉赤,佢价钱同当日只金迷接近,但个盒嘅size就同最MB系列入面最平嘅Gundam EXIA Repair差唔多(虽然F91本身设定就细只啲),而且配件唔多,感觉好似特别贵。拎到返公司开盒,所有嘢一如预期,真係得咁少料……冇计啦,冇巨形背包,又冇特别武器嘅F91係得咁多嘢之嘛。

真係咁劣评?Metal Build F91值唔值

◆ 机体、底座加几件武器,就係得咁多嘢

真係咁劣评?Metal Build F91值唔值

◆ 其实都几有型吖

真係咁劣评?Metal Build F91值唔值

◆ VSBR可以话係F91嘅重点,而今次MB设计到佢都几複杂,除咗拉长咗,仲会拉阔埋,更加有气势

真係咁劣评?Metal Build F91值唔值

◆ 其他武器就得咁多,留意支大砲线条都几精细

拎只F91上手,原来都好坠手喎,话明Metal Build,唔係咁就死得啦!身形比例同以往大部份Metal Build一样,上身同两膞装甲比较大,双腿冇设计得特别长,脚掌亦比较细。虽然呢方面风格相近,但笔者觉得F91整体身形比例比突击自由等同系产品嚟得顺眼。另外,今F91并未有加入太多原设计冇嘅色块,保留F91原有简约嘅风格,更突显F91嘅曲线美。上色方面,全身都上咗光面,原白色部份採用咗冷调浅灰,关节上咗黑铁色,胸甲就用咗偏沉嘅深蓝色,整体感觉比较cool,但唔会阴阴沉沉。而成只嘢最抢眼嘅地方,就係背部两支鲜蓝色嘅VSBR,平时放背面唔係好觉眼,但发射状态放返去前面时就好突出,配色极有心思。F91另一个特别设计係会「变脸」同两膊拉开,主要係需要高输出时作散热之用。Metal Build作品中两膞散热片可以直接拉出,而为咗满足唔同要求玩家,Bandai就整咗一个可以「变脸」嘅头,再整多个「换面」嘅头打孖咁送埋畀你自己拣。前者当然係更贴近真实,而后者造型上比较靓,不过其实「变脸」个头都唔係太差啫!

真係咁劣评?Metal Build F91值唔值

◆ 左边係平常状态,右边係高输出状态

真係咁劣评?Metal Build F91值唔值

◆ 「变脸」过程并唔複杂,但要注意左右两边要合埋得啱啱好先会靓

真係咁劣评?Metal Build F91值唔值

◆ 左邉係「变脸」头,右边则係「换脸」头,笔者就觉得变脸好玩啲,而且都唔係特别样衰吖

真係咁劣评?Metal Build F91值唔值

◆ 除咗散热板,上方散热窗亦合伸出

虽然配件唔多,但反而令呢只F91冇其他多配件嘅高达咁累赘,配合Metal Build关节上都设计到大幅度可动,要摆出唔同靓pose根本完全难唔到佢。

真係咁劣评?Metal Build F91值唔值

◆ 左手边裙甲可以打开拎两把镭射剑

真係咁劣评?Metal Build F91值唔值

◆ 手可以180度摺起

真係咁劣评?Metal Build F91值唔值

◆ 成只嘢笔者最唔满意反而係后面夹大砲个位夹唔实支大砲,搞到好易唔平衡

真係咁劣评?Metal Build F91值唔值

◆ 大脾同小腿动作可以好大,膝部有轻微连动,唯脚掌可动角度一般

真係咁劣评?Metal Build F91值唔值

◆ 反而个盾好多角度都会畀膊头装甲顶住

真係咁劣评?Metal Build F91值唔值

◆ VSBR开动,不过原来一双手好难放啱手柄位

总括嚟讲笔者认为呢只不论喺造型、造工同埋可动性方面都有好高水準。初出售价虽然同其他大部份Metal Build高达相近,但机体较细、配件少,的确会令人觉得佢唔抵玩。虽然个别店舖落过少少价,但全被秒杀,似乎暂时唔会有太多诱因再落价。当然,F91并非多人锺意嘅机体,如果以「保值」为重要考虑因素,个人建议要三思。如果单纯想买一只靓嘅高达返去玩,「早买早享受」都係唔错嘅选择。

上一篇: 下一篇:

相关阅读